DUA BORUA PANDUDA TIPATIPA
Panusunan Simanjuntak.
Di pardalanan nami tu huta Marom, Porsea
hujumpangi dua borua
na hudok goarna si Dame dohot si Duma
si panduda tipatipa
di pilngas ni mataniari
hundul nasida di linggom ni sada jabu Batak i
paias tipatipa na di tandok dohot di anduri
minar bohi nasida
mengkel martata sipata
tingki patoranghon boha do mambahen tipatipa
didok nasida
ia tipatipa marmula do sian eme na bibi
na disaok di balanga
dung i diduda gabe tipatipa
imada Dame, Duma
ndang husunghun manangna partigatiga tipatipa do hamuna
alai sian patigatiga na di topi ni dalan onan Porsea
hutuhor hami do sasolup tipatipa
on ma na sai hugugutgugut otikotik marariari
tabo daina i, ndang hea baribari
mauliate ma di hamu Dame, Duma
di burju ni rohamuna patoranghon boha do mambahen tipatipa
dame do tutu mula ni duma
eme do tutu mula ni tipatipa
Sawangan, Depok
02 Juli 2015 – 38
Baca Juga:
