Serial Kearifan Batak (4): Pangema

Serial Kearifan Batak (4): Pangema

JAKARTA, BatakIndonesia.com — Di hamian, di luat Toba Holbung dohot na humaliangna, adong do pandohan pangema. Ndang apala binoto boha partubu ni hata i. Na binoto, somal do dihatahahon hata i di panghataion siganup ari.

Molo adong sasahalak na mangasanghon uli-laguna manang haburjuonna na alani tarutang lagu donganna, tu jolma na songon i didok ma pangema. Jolma sisongon on girgir manghilala naung godang na uli na binahenna. Dijujur ibana sude angka parulaonna i. Marhite i, arop rohana (tohoan dohonon maringkon) asa marbalos na binahenna i. I ma jolma pangema. Dipangemahon ibana uli-laguna i.

Nuaeng on, adong do pigapiga barita di sitalpas halinu on na mamaritahon na mansai tandi parmonang ni Amanta Jokowi-Ma’ruf di kising porasiden-wakil porasiden di luat Tapanuli dohot na humaliangna. Pardosdosan, hira 95 porsen ma pangisi ni luat i ganup na mamillit amanta na dua i, mangihuthon etongan na hinojor (hitung-cepat).

Toho do i. Jala, ndang pola songgot rohanta umbegesa i. Pardosdodan muse, halak Batak suman do jolma na kritis. Dirajumi rohanasida do hinadenggan ni parulaon ni Amanta na lihi i.

Alai, na mambahen bobos roha, di ujung ni barita i, adong pangidoan, bo pe tedek do pangidoan i, asa adong ma hasurungan ni halak Batak, saotikna asa diparrohahon pamarenta halak Batak di ragam ni angka pembangunan tu joloan on. Sasintongna, madokhu do i. Ndang songon i rumang ni Halak Batak. Magapodo do haradeon ni roha ni halak Batak mamillit amanta na dua i molo i do na niigilna. Ndang bermental pangema halak Batak.

Alani, molo tung pe manghilala hita naung adong na denggan tapatupa tu pamarentanta, unang ma taela halak Batak gabe bermental pangidoido. Molo tung taruli na denggan hita ala ni parulaonta i, konsekuensi ma i tu na taulahon i, ndang ala na tapangidoido. Huhutni, etak do i na mangorui sangap nasida ala manghilala hita balosni parulaonta i taparsaulihon ala na tapangidoido i. Hurang do sumanni. Na pautanghon nasida do hita disi. Sondo (jaha: sotung do) na mangajari manuk marpira hita disi, atehe!?

Penulis: Albiner Siagian (Sahalak parhalado di HKBP Perumnas Simalingkar; Guru Etos dohot Revolusi Mental na marbisoloit)

BACA:  ETOS MARBONIAGA: Parhatian Sibola Timbang

Facebook Comments

Default Comments

One thought on “Serial Kearifan Batak (4): Pangema

  1. Pangema, agak baru bagi saya. Tapi setelah membaca uraian Bapak A.Siagian ini, pangema ini, kira kira berbuat baik dan mengharapkan balasannya pula yang baik. kalau ini benar, maka sebenarnya positif saja sifat itu. Hanya kalau mengharapkan balasan yang menjadi utama, barulah bergeser arti niat baik diawal.

    Saya setuju, jika kita berbuat baik sajalah. syukur kalau ada balasannya. jika tidak pun ya memang sudah keweajiban kita berbuat baik kepaa orang lain itu. Jika sifat ini meluas maka kita semua bersanding bermasyarakat semua saling gotong royong dan diatasnya suatu saat kita berbuat tanpa harus berhitung berapa yang saya dapat dari perbuatan saya.

Leave a Reply

Your email address will not be published. Required fields are marked *